قصيده"مش عيب انى انا فلاح"

مش عيب انى فلاح .................بحمد ربى انى فلاح

عايش طول عمرى لرساله...........انى اضمد اى جراح

جرح الجوع جرح الفقر.............جرح العيشه المريره

جرح القمح اللى ذلنى ..........وحاطط راسنا فى الطينه
.
................مش عيب انى انا فلاح................

و يا كل الشعب اسمعنى بقول انتوا نسيتوا الفلاح

فرحنين بالاكل الغربي......... والاستيراد والانفتاح
.
ريكفورد من الدنيمارك............ والاميركانى التفاح

والبيتزا والكايزر................ واللى جى واللى راح

دوت مش زرع شطانى.........هما قدروا الفلاح
.
..................مش عيب انى انا فلاح...............

مش عيب انى انا فلاح ..........طب مانت اصلك فلاح

بشتغل وبكل جهدى.............. علشان بلدك ترتاح
.
......................مش عيب انى انا فلاح............

العيب انى اريح ايدى ....................... او انى اديها للغير

فى الوقت اللى البلد دى ..........محتاجه فى لشغل ضمير
.
......................مش عيب انى انا فلاح............

واسمعنى هاقولك ايه............. احنا نلخص اى كلام

احنا مش مخلوقين بس ..............علشان ناكل ونام

كل واحد يعمل شغله................ بالاخلاص والالتزام

ساعتها مش هنلاقى اللى....... يقول لنا شدوا الحزام
.
......................مش عيب انى انا فلاح............
والسلام ختام

حلوة حقيقي حلوة ... سياسه و ادب و زراعه
مش عيب انك فلاح بس العيب انك تغير مباديئك بعد التخرج
لو كلنا بقي عندنا نفس المباديء دي و حافظنا عليها ... اكيد مصر هاتبقي احسن